سمير و جنون-الجزء التانـــــي-

-الجزء التانـــــي- فأول ساعة بدا الوالد كايقرا عليها ولات كاتوقع أمور غريبة فالبيت لدرجة ان " الاثات" كايتهز ويتخبط مع السقف ديال البيت ويرجع، ولا كانسمعوا اصوات غليظة وثقيلة كاتهدد الوالد وكاتهدد البنت، بقا الوالد كايقرا تقريباً أربع ساعات فهاد الفترة قدر يخرج منها 2 من الجن والبنت كان سااكنها 13 جن وداكشي وقع ليها بسبب السحر الأسود مع الأسف والصدمة ان اللي داير ليها هاد السحر هو " عمتها" وكان سحر خايب بزاااف وصعييييب يتبطل حيث مدفون مع ميت " لا حول ولا قوة الا بالله" المهم الإخوان رقاها الوالد وخرج منها 2 من الجن كيما قلت وفالغد ليه بدينا جلسة أخرى أنا كنت غير كانراقب من بعيد مكانتتدخل فوالو وفكل مرة كانسمع شي غوات كانحس بروحي غادي تخرج من بلاصتها، فداك النهار الوالد بقا كايرقي فديك السيدة من الصباح حتى الليل، حيث حالها كان صعيب واخيراً قدر يخرج منها Gاع دوك الجن اللي ساكنينها ويبطل السحر أو هكذا " اعتقدنا" المهم ديك السيدة مسكينة فاقت عادي بحال الى ما كان فيها والو ولكن ما عاقلة على والو مسكينة وكانت ضعيفة بزاف، داوها الأهل ديالها، ولكن الوالد تبدل من ديك الليلة، ولا خايف بزاف وما بقاش كيما كان، بعد سيمانة من داكشي عيط ليا لبيتو وقال ليا ريح بغيت ندوي معاك، كان ممبدل بزاف وباين عليه مقلق من شي حاجة قال ليا مسكينة بالحرف:...