حب بعيد (الجزء التاني)

صيفطاتلي الصورة ديالها لكن بشرط حلفاتني باش نمسحها من الذاكرة ديال الهاتف ..داك شي لي كان شفت الصورة ديالها وكيف ما كنت كنتخيها تقريبا .زدت تعلقت بها كثر وكثر رغم أن هي ف مدينة وانا ف مدينة وبيناتا اكثر من 600 كيلومتر . مع المدة رجعنا كنهدرو عادي ومولفين بعضياتنا بزاف دائما كنتناقشو وندابزو ونفرحو ...حتى جا النهار لي وقعت ف حب هاد البنت من بعد عام ديال الهدرة معاها وتخيلو معايا أول مرة غادي نقول ل شي بنت كنبغيك نرددت بزااف باش نقولها لكن ف التالي نطقت بداك الشي لي كنحس به من جهتها وخا هي كانت عارفا هاد الشي وكتبادلني نفس الشعور ...لمهم دازت ايام داك ساعة كانت ف احد مراكز التكوين المهني كتقرا ..نسيت مقولتش ليكم انها كتقرا مزيان وذكية تبارك الله .لمهم ...هنا جا النهار لي صدمتني فيه ..فواحد لعشية صيفطاتلي مساج وقالتي بسلامة حنا مغاديش نبقاو نهدرو مزال سولتها علاش والرعشة شاداني لكن الجواب كان غير مقنع 2 سوايع وأنا كنحاول نقنعها حيث الى مشات بصح .حياتي غادي تقلب .. لكن ف نهاية المطاف فاجئتني .....يتبع