حب بعيد (الجزء الثالث)

المفاجئة هي داك شي كااامل لي دارت غير كانت كضحك معايا ..ف داك اللحظة تخلطات المشاعر ديالي بين الغضب والفرحة حيث فرحت بزاف حيث هاد شي غي ضحك وماشي حقيقة ..طورات الأمور بيناتنا حتى اني رجعت كنعرف بعض من العائلة ديالها ختها الكبيرة ..بنت عمتها و 2 من صحباتها هادو وحدة من صحاباتها لي اسمها هجر (اسم مستعار) كانت قريبة بزاف ليها وصاحبتها الروح للروح كما كيقولو وكانت عارفة بنوع العلاقة لي كتجمعني بها زيادة على هاد الشي هجر كانت كتقرا معاها ف نفس القسم  ..العلاقة طورات وجا النهار لي غادي تصدمني فيه ..الصدمة هي انها جا واحد الدري كيخطب انا ف داك اللحظة مستحملتش راسي وما كان عندي حتى حل حيث كنت طالب جامعي ومزال مكونت حتى راسي لكن بالرغم من ذلك  بقيت متشبت و متشبث بلي هاد شي غادي يسالي ..الأم ديالها كانت صعيبة شوية كجميع الأمهات كيبغيو الخير لبناتهم وكانت كتشجعها باش تزوج لكن قدر الله ان هاد العلاقة ديالهم مطولاتش ..دازت مدة ورجعنا كنهدرو بحال حتى حاجا مكانت ....يتبع