حب بعيد (الجزء الخامس والأخير)

واحد نهار صدماتني بخبر انو واحد جا من وراها للدار وبغا يجي يخطبها وهدر مع ولد عمتها وماماها فهاد الشي مين سولتها واش نتي قابلة بيه ولا شنو  ؟ جاوبات ب اه تما حسيت الدنيا دارت بيا وخا انا كنت عارف ان هاد الحلم صعيب يتحقق نظرا للظروف ديالي وديالها ..وخا هكاك بقيت متشبت مرة أخرى وقلت انو هاد الشي غادي يسالي ..لكن ليس كل مرة تسلم الجرة ...فعلا جا خطبها وحددو موعد العرس هي ف داك الأيام صافي نساتني والله واعلم لمهم هي عارفاني منسيتهاش ودارت الصور ديالها مع خطيبها ونشراتهم على اساس باش ننساها ونكرها ..لكن داك شي كان غادي يسبب ليا مرض نفسي لولا ايماني بالله وبالقدر ..دارت خطا كبير بالنسبة ليا لكن من كثرة حب ديالي ليها سمحت ليها ووضحات علاش دارت داك شي ..ف اخر المطاف هي دبا تزوجات دازت عليا وقت صعيبة بزاف حيث هاد الشي الإخوان لي ممجربوش غادي يقول ف نفسو تبرهيش وقلت ميدار ....النصيحة لي نقدملكم من هاد شي كامل وهي اي واحد ميبغي حتا وحدة حتى يشوف راسو انو يقد بيها ويقدر يجي يطلبها من دارهم .
Fin